நீங்கள் சேற்றிலிருந்து பிரித்தெடுக்கப்பட்டீர்கள், எதுவாக இருந்தாலும் சரி, வண்டல்கள், அசுத்தமானவைகள் மற்றும் தேவனால் வெறுக்கப்பட்டவைகளிலிருந்து தெரிந்தெடுக்கப்பட்ட பொருளாக நீங்கள் இருந்தீர்கள். நீங்கள் சாத்தானுக்கு உரியவராக இருந்தீர்கள். மேலும் ஒரு காலத்தில் அவனால் மிதிக்கப்பட்டும் கறைபட்டும் இருந்தீர்கள். அதனால்தான் நீங்கள் சேற்றில் இருந்து பிரித்தெடுக்கப்பட்டவர்கள் என்றும் பரிசுத்தமாய் இல்லாமல் அதற்குப் பதிலாக நீண்டகாலமாகச் சாத்தானின் தந்திரத்தின் பொருளான மனிதரல்லாத பொருட்களாக இருந்ததாகவும் கூறப்படுகிறது. இதுவே உங்களைப் பற்றிய மிகவும் பொருத்தமான மதிப்பீடாகும். மீன் மற்றும் இறால் போன்ற விரும்பத்தக்க மீன்பிடிகளுக்கு மாறாக முதலில் நீங்கள் தேங்கி நிற்கும் நீர் மற்றும் சேற்றில் காணப்படும் அசுத்தங்கள் என்பதை அறிந்து கொள்ள வேண்டும், ஏனென்றால் இன்பத்தைத் தரும் எதையும் உங்களிடம் இருந்து பெற முடியாது. அப்பட்டமாக கூறினால், நீங்கள் ஓர் இழிவான சமுதாயத்தின் மிகவும் மோசமான மிருகங்கள், பன்றிகள் மற்றும் நாய்களை விட மோசமானவர்கள். வெளிப்படையாகச் சொல்வதானால், உங்களிடம் இதுபோன்ற சொற்களில் உரையாடுவது மிகைப்படுத்தலும் அல்ல, உயர்வு நவிற்சியும் அல்ல; மாறாக இது சிக்கலை எளிதாக்குகிறது. இது போன்ற சொற்களில் உங்களுடன் உரையாடுவது உங்களுக்கு மரியாதை செலுத்தும் ஒரு வழி என்று கூட சொல்லலாம். உங்களுடைய உள்ளுணர்வு, பேச்சு, மனிதர்களைப் போன்ற நடத்தை மற்றும் உங்கள் வாழ்க்கையின் ஒவ்வொரு அம்சமும், சேற்றிலுள்ள உங்களின் நிலை உட்பட அனைத்தும் உங்களுடைய அடையாளம் “வழக்கத்திற்கு மாறானது” என்பதை நிரூபிக்கப் போதுமானவையாகும்.